«Эколог сағаты»: Астанада экологиялық зерттеу жұмысының таныстырылымы өтті

«Эколог сағаты»: Астанада экологиялық зерттеу жұмысының таныстырылымы өтті

Астанада 5 маусым – Дүниежүзілік қоршаған ортаны қорғау күні және Экологтар күніне орай Қ.Мұхамедханов атындағы №90 гимназияда «ЭкоJas» жобасы барысында жазғы лагерь оқушыларының қатысуымен «Қоршаған ортаны қорғау – ортақ міндет» тақырыбында экологиялық зерттеу жұмысының таныстырылымы өтті. Іс-шара «Эколог сағаты» акциясы аясында ұйымдастырылды, деп хабарлайды елорда әкімдігінің ресми сайты.

Аталған іс-шарада экологтар, педагогтер және жазғы профильді лагерьдің қатысушылары бас қосты. Олар қоршаған ортаны қорғау мәселелері бойынша өзара пікір алмасты.

Іс-шараның басты мақсаты – оқушылардың экологиялық мәдениетін қалыптастыру, қоршаған ортаны қорғау мәселелеріне назар аударту, қалдықты қайта өңдеу мен тиімді пайдаланудың маңыздылығын түсіндіру және табиғатты сақтауға деген жауапкершілікті арттыру.

Таныстырылым барысында оқушылар қалдықтарды қайта өңдеу, тұрмыстық қалдықты кәдеге жарату және экология мәселелерін шешуге бағытталған зерттеу жұмыстарын ұсынды. Сонымен қатар, қатысушылар жергілікті аумақтың экологиялық жағдайына талдау жасап, қоршаған ортаны қорғауға қатысты ұсынысын ортаға салды.

#ЭкологКүні #ТазаҚазақстан #ӨзіңненБаста