Новости

«Қарызсыз қоғам» құру жолындағы қадам жалғасуда «Әділетті де жаңа Қазақстан» құруға бет алған тәуелсіз елімізде өткен жылдан бастап, «Қарызсыз қоғам» жобасы іске асырыла бастады. Халық игілігіне бағытталған бұл іс Мемлекет басшысы Қасым-Жомарт Тоқаевтың тікелей бастамасымен қолға алынған болатын. Жобаның негізгі мақсаты – тұрғындардың қаржылық сауаттылығын арттырып, қаржы мәселесі қалай пайда болатынын, несие қарызының санын азайту жолдарын, қаржы пирамидасы мен түрлі алаяқтардың әрекетінен сақтанудың қырсырын түсіндіру. Осыған орай, еліміз бойынша тек облыс орталықтары мен негізгі қалаларда ғана емес, шалғайдағы елді-мекен тұрғындары арасында да қаржылық сауаттылық туралы дәрістер беруді көздеген курстар өткізілуде. Маңызды жобадан Қорғалжын ауданы да қалыс қалған жоқ. «АMANAT» партиясы тарапынан тікелей қолдау тапқан бірегей жоба жайлы кеңірек білу үшін Қорғалжын ауданында өтіп жатқан курстың спикері, Ақмола облысы бойынша қаржы сарапшысы Қазбанова Алма ханымды сұхбатқа тартқан едік. – Алма ханым, қасиетті де киелі Қорғалжын жеріне хош келдіңіз! «Қарызсыз қоғам» жобасы аясындағы курсты өткізу қанша уақытқа жоспарланған және оған кімдер қатыса алады, алдымен осы турасында айтып өтсеңіз. – Сұхбатқа шақырғандарыңызға рахмет! Қорғалжын ауданы бойынша қазір «Қарызсыз қоғам» жобасы өтіп жатыр. Курс мерзімі - 5 күнді құрайды. Жалпы, бұл курс бірнеше кезеңге жоспарланған. Осыған дейін 22 қатысушы оқуды аяқтап, сертификат алды. Оқуға қатысқан аудиторияға тоқталсақ, олардың жас ерекшелігі әртүрлі. Нақтырақ айтсақ, 30-70 жас аралығын құрайды. Курс тыңдаушылары оқуға айрықша қызығушылық танытып, белсенді қатысты деп айта аламын. Жоба аясында консультациялық кеңес беру бойынша да жұмыс атқарылды. – Қаржы мәселесі шынымен де қай кезеңде болсын өз өзектілігін жойған емес. Әсіресе, несиесіз отбасы жоқтың қасы десек артық емес шығар. Осы ретте, адамдардың шынымен де күнкөріс деңгейі көңіл көншітпейтінде ме, әлде бұл жағдай олардың қаржылық сауаттылығының төмен екендігін таныта ма деген ойға қаласыз. Күн тәртібінен түспей тұрған келелі мәселеге «Қарызсыз қоғам» жобасы қаншалықты ықпал етеді деп ойлайсыз? – «Қарызсыз қоғам» әлеуметтік жобасының мақсаты халықтың қаржылық сауаттылығын арттыру. Халық несиесінің көптігі – ең біріншіден, қаржылық сауаттылығының жетіспеуінен. Оның салдары мен зардабы өте ауыр. Еліміздің барлық өңірлеріндегі жағдай бір-біріне ұқсайды. Әлеуметтік деңгейі, жалақысы мен табысының әртүрлілігіне қарамастан халықтың барлығына тән ортақ ұқастық бар. Ол- 1 адамның басында кемінде 5-7 несиенің болуы. Осы мақсатта «Аманат» партиясының бастамасымен және 12 түрлі екінші деңгейлі Банктердің қолдауымен «Қарызсыз қоғам» әлеуметтік жобасының іргесі қаланды. Оқу барысында халыққа қарапайым түрде пайыздық мөлшерлемені есептету, жалпы несиенің неден құралатын түсіндіру, айырмашылықтарын қарау, оған талдау жасау, аз ғана ақшаны үнемдеудің болашақтағы пайдасын есептеп көрсету, депозит қаржылық инструментін қалай қолдануды үйрету жүргізіледі. – Қарызға белшесінен б а т қ а н а д а м н ы ң психологилық жағдайы да ауыр болатыны анық. Қарызымды қалай өтеймін деген қиналыс қаншалықты қауіпті, оны болдырмау үшін не істеу керек? Сіздің кәсіби пікіріңіз? – Халықтың басты проблемалық мәселесі – несиенің көптігі, кейде 1 адамда -20 дан астам несие бар. Ол несиелер өтелмей жатыр немесе кешіктіріліп жатыр. Ол аз дегендей, бүгінгі күннің дерті – лудоманияға шалыққан адамдар, алаяқтардан зардап шеккен адамдар бар. Қарызға белшесінен батқан адамдар психологилық тұрғыдан өте ауыр жағдайда болады. Оның салдары ауыр болу мүмкін, соған жеткізбеу керек. – Бүгінгі сұхбатымызда қ а р а л ы п о т ы р ғ а н б а с т ы мәселенің түп-тамыры қандай мәселеге келіп тіреледі? – Ең басты сұрақ пен мәселе - несиенің көптігі және оны шешудің амалын табу. – Қ а р ы з г е р л е р ү ш і н банкроттыққа өтудің тиімділігі қандай және оны көбіне кімдер қалайды? – Банкроттыққа өтуді қалау – жас аралығына қатысты емес мәселе. Банкроттыққа өту тәртібі мен талаптарына сай адамдар жалпы – банкрот статусын алғысы келеді. Көбінесе бұл 1 жылдан астам несиесін өтемеген, жағдайы төмен отбасылар және ауыр жағдайға түскен адамдар. – «Қарызсыз қоғам» жобасы курстарында айтылатын пәрменді пікірдің бірі – қаржылық сауаттылықты меңгеру. Бұл ретте қаржылық с а у а т т ы б о л у д ы ң б а с т ы принциптерін қарапайым түрде түсіндіріп өтсеңіз. – Қаржылық сауаттылыққа жалпы тоқталсақ, ең бастысы – табысы мен шығындарын есептеп білу, үнемдеуді үйрену және үнемдеген ақшадан капитал жинау. Несиені алған жағдайда да банктер ұсынып жатқан шарттарға дұрыс талдау жасап, өзіңізге ең тиімдісін таңдай білу. Ақылды тұтынуды әдетке айналдыру. Ақшаңызды көбейту жолдарын іздеу. – Қазіргі уақытта әлеуметтік желіде қызу талқыға түсетін және сәнге айналып кеткен түсінік «Қаржы еркіндігі». Осыған жетудің жолы неде? – Қаржылық еркіндікке жетудің ең басты амалы- тәртіп. Әрбір істі бастаған кезде тәртіп сақталмаса, еш нәтиже шықпайтыны анық. Оң нәтиже шығару үшін тәртіп сақтау қажет. Табыс пен шығынды күн сайын, ай сайын, жыл сайын санауды әдетке айналдыру керек. Дәл осы принцип бойынша жоғарыда а т а л ғ а н д а р д ы ң барлығы өміріміздің күнделікті дағдысына айналдырғанымыз абзал. – Сұхбат соңында а й т ы п ө т с е ң і з Қорғалжын ауданы бойынша Сізге келген тыңдаушылар осы курстан қандай нәтиже шығарды? – Қорыта келгенде, Қорғалжын ауданында өткен оқудың екі легі бойынша – 61 адам оқуды аяқтап, сертификат алды. Оқу барысында және жеке кеңес алу сәтінде қатысушылардың жеке сұрақтары назардан тыс қалған жоқ, барлығы жауабын тапты. Бірнеше адамның мәселелері заңгер кеңесін қажеттілік етеді. Қатысушылардың алған әсерін қалдырған пікірлерінен талдау жасай келе, оқу ұнағанын және ақша қаражатын дұрыс пайдалануды үйренгенін байқадым. Т ы ң д а у ш ы л а р қ а р ж ы л ы қ сауаттылық күнделікті өмірде өте қажет екенің түсінді. А л м а х а н ы м , т о л ы м д ы сұхбатыңызға алғыс білдіремін. «Қарызсыз қоғам» жобасы қарқынды жүзеге асырылып, несиесіз отандастарымыздың саны арта түссін деп тілейміз. Ел тұрғындарының қарызы емес, табысы еселене түссін. Әңгімелескен Ботагөз Сембайқызы

Хабарландыру!

Ағымдағы жылдың 26 шілдесінде "Сұлтан" шаруа қожалығындағы пай үлескерлерінің жиналысы өтеді.

Хабарландыру!

Ағымдағы жылдың 26 шілдесінде "Рамазан" шаруа қожалығындағы пай үлескерлерінің жиналысы өтеді.

Туған өлке тарихының парақтары...

Кәзіргі заманда адам баласы бүкіл әлем бойына саяхатқа шыға алады. Бұрын-соңды болмаған сұлулык көріністерге, экзотикалық жануарлар мен өсімдіктерге таңдана алады. Бейтаныс адамдардың таңғажайып әдет-ғұрыптары мен өмір салтына таң ғалып, үйреніп те жатады. Бірақ жүректің түбінде, өз жеріне, туған табиғатына деген махаббаты сақталып, жылдар бойы өшпейтін сезімге айналады.