Ерейментау ауданында «Мөлдір бұлақ» акциясы аясында жалпы қалалық сенбілік өтті

Ерейментау ауданында «Мөлдір бұлақ» акциясы аясында жалпы қалалық сенбілік өтті

2026 жылғы 30 мамыр күні сағат 10:00-де «Таза Қазақстан» жалпыұлттық экологиялық тұжырымдамасы және «Мөлдір бұлақ» акциясы аясында Ерейментау ауданының әкімі қатысуымен «Темір бұлақ» бұлағы аумағында жалпы қалалық сенбілік өтті.

Экологиялық акцияға 200-ден астам адам қатысты, олардың қатарында мемлекеттік қызметшілер, мәдениет саласының қызметкерлері, зейнеткерлер және «Жасыл ел» жастар еңбек жасағының жауынгерлері бар.

Іс-шара барысында қатысушылар бұлақ аумағын тазалау және абаттандыру жұмыстарын жүргізді. Жұмыстар аяқталғаннан кейін аудан әкімі «Жасыл ел» жасағының мүшелерімен және орман шаруашылығы қызметкерлерімен бірге Лесхоз шағын ауданындағы бұлақты тазалау жұмыстарына қатысты.

Аудан әкімі Н. Мукапов құттықтау сөзінде қатысушыларға белсенді азаматтық ұстанымы мен атсалысқаны үшін алғыс білдіріп, былай деді:

«“Темір бұлақ” бұлағы тұрғындардың бастамасымен және негізінен олардың қаражаты есебінен абаттандырылған, бүгінгі күні ол нағыз халықтық нысанға айналды. Бұл жұмысты сақтау және тазалықты тұрақты түрде қамтамасыз ету өте маңызды, өйткені біз табиғи мұраны болашақ ұрпаққа жеткізуіміз қажет».

Сонымен қатар іс-шара барысында аға буын өкілдері сөз сөйлеп, жастардың қоршаған ортаны қорғау және табиғи байлықты сақтау ісіне белсенді қатысатынына сенім білдірді.

Сенбілік өткізу ауданның экологиялық жағдайын жақсартуға және халық арасында табиғатқа ұқыпты қарау мәдениетін қалыптастыруға маңызды үлес қосты.