Есіл облысаралық бассейндік балық шаруашылығы инспекциясы Қазақстан Республикасының 2004 жылғы 9 шілдедегі «Жануарлар дүниесін қорғау, өсімін молайту және пайдалану туралы» Заңына (бұдан әрі - Заң) сәйкес Қазақстан Республикасының Ауыл шаруашылығы министрінің 2015 жылғы 16 қаңтардағы №18-04/17 бекітілген бұйрығымен балық аулауға рұқсат етілген кәсіптік және коммерциялық емес әдістерінің тізбесіне енгізілген балық аулау құралдары мен тәсілдерін пайдалана отырып жүзеге асырылатынын хабарлайды.
Заңның 39 бабының 5 тармағына сәйкес:
2) балық аулау ережелерiнде көзделмеген балық аулау құралдарымен, яғни - бұл полиамидті монониттерден жасалған синтетикалық тор, балықтардың жаппай қырылуына әкеп соғатын электр қармақтарын пайдалану сияқты аулау құралдары, "косынкаларды", "экранды", "телевизорды" пайдалануға тыйым салынады.
13) жарылғыш құрылғыларды, химиялық және улы заттарды, сондай-ақ атыс қаруын қолданумен балық аулауға жол берілмейді.
ҚР ӘҚБтК-нің 383-бабына сәйкес (40 АЕК-ке дейін) ҚР балық аулау ережелерін бұзу әкімшілік жауапкершілікке әкеп соғады.
Балық және басқа да су ресурстарын алудың ең варварлық және заңсыз тәсілдерінің бірі-электр тогын пайдалану (Электр қармақтары (ЭЛУ). Тоқтан зардап шеккен балықтардың көп мөлшері түбіне кетеді, ал тірі қалған балықтар көбею қабілетін жоғалтады, бұл болашақта балықтар санының азаюына әкеледі. Кейде балық аман қалады, бірақ жарақат алады - найзағайдан оның омыртқасы қисайып кетуі мүмкін. Токтың әсерінен кішігірім су жәндіктері де өледі - қоңыздар, бақалар, планктондар, балдырлар, жұмыртқалар және жас шабақтар.
Инспекция аулағаны үшін зиянды өтеуден басқа, ЭЛУ көмегімен балық аулау фактісінің өзі ауыр жазаға әкеп соқтыратынын ЕСКЕРТЕДІ.
Қазақстан Республикасы Қылмыстық кодексінің 335-бабына сәйкес жарылғыш немесе химиялық заттарды, электр тогын қолдана отырып, балық ресурстарын және басқа да су жануарларын заңсыз өндіру 23 миллион 592 мың теңгеге дейінгі мөлшерде айыппұл салуға, не сол мөлшерде түзеу жұмыстарына, мүлікті тәркілеумен үш жылдан алты жылға дейінгі мерзімге бас бостандығын шектеуге не сол мерзімге бас бостандығынан айыруға жазаланады.
Браконьерлердің электр қармақтарын қолдануы жалпы су қоймасының флорасы мен фаунасына теріс әсер етеді. Балық ресурстарын өндірудің бұл әдісі тек балық популяциясына ғана емес, сонымен қатар бүкіл су қоймасының экожүйесіне орны толмас зиян келтіреді.
Есіл облысаралық бассейндік
балық шаруашылығы
инспекциясының бас маманы
Г. Жолманова